13.11.05

Mene Bre, chapel Sant Erve

bevet hon eus ur prantadig dudius war lein ar Mene Bre
hirio d'an abardaez
erru tost da vare kuzh heol
hon eus kavet goudor e porched ar chapel
serret oa an nor giz vez kustum d'ober dre ar vro hiriv
aze edomp ar pevar ac'hanomp
va gwreg, me ha va bugaligoù
avel yen o c'hwezañ eus ar viz

graet un azez war ar skaon
an daou lampouniged o tevel a greiz toud
hep ma vije dav deomp sevel hor mouezioù
hag an deñvalijenn o kouezhañ war ar c'hornog
du-se, du-mañ ivez...
joa hag habaskter ennomp hag er vro

(señset e vefe dasprenet o eneoù d'ar re a oa bet tonket d'an ifern gant Sant Erve er chapel mañ, hervez ar vojenn)







2.11.05

40 ans de rock à Brest


Marteze ho peus klevet anv eus ul levr diwar benn sonerezh rock e Brest a zo o paouez dont er maez, skrivet eo bet gant Olivier Polard
Ur pemp bloaz bennak a oa ret dezhañ evit dastum peadra da fardañ ur studi pizh ha brav, ha fromus a wechoù!
Haddock Gibbons ("les amis", ur ganaouenn e touez ar re gaerañ biskoazh meus aon) eo anv unan eus ar strolladoù hag o deus kaset startijenn ha buhez e Brest, kêr nevez-kozh, gant he mogerioù gris teñval hag he fayoded pompon ruz...
Dont a ra endro war gorre ur bern eñvorennoù a oa aet d'ar strad abaoe pell, 'toare!
Devil's Delight, Hot Bugs, UV Jets, les Locataires hag arabat ankounac'haet Jellyfuzz ar bennhered! (salud dit Marco kaner, kamalad ha kolleg labour)

come on ti zef

hey oh let's go!